Mayssa Rachida

TAFSUT 2008

Aghedjuy x temsaman

Wi t inghin ? wi t ijeyfen ? maca netta yemmut, yegga mlih imri war yemmut iri d attas xaf s !! wi kid s yengha ? ijeyyef ixf nnes, diha…. senj i wurtu nni swizdven d ghar s waghrawen n dcar, pnunyen d imettvawen aked yeghzar, xesyent tfawin n buhber Saoid ma nghin t nigh ingha ixf nnes ????

Wi akid s yemmuten idwer ifaq d di tirja nneghni d ticemrarin tbarcinent, maca ass a sarewten zzubeo hencen anedra, ghzin tisarfin ghzin timedvrin nneghni wami Saoid ingha ixf nnes, netta i ca itarezzan tisudvar itghedjar tazegwart ifares idvewdvan nnes zeg fassen ighiswen, mechar ifardv di tazdugi n temrer, mechar ighars di reshun n tidet iggin iqetvwas, iccat izra s tfednin isendaf i wezru iyezzem tireghwin. Wi yjeyfen Saoid, mant ajeyyef zeg jeyyef ?? tghufi war tneq maca ca n twaratin teseddar. Takemmict n iseqsan teqed day sen tmessi, ad texsi

TUDART D RAXART

Jar ufaqi d tewsar

Zenzegh tirja ynu

Eggigh tazwact s usennan

Qessegh igharwadv zeg zeqqur

Sghemyegh ten d ak temzi ynu

Tweddar tfuct

Ighri aragub

Attvas n toejjajin

Nec tegwdegh ifis

Tegwdegh tihuja

جراح أزهاري

انكسرت كل كلماتي

صمت اجتاحني

زلزلني.....

عانفني.....

tayri

sghemyayi d tlulluct

di ddemnet n wur nnec

ari yayi d taqessist

Sgheryent djwaru nni

Ouqent id izewran d imarzuga

Fetrent idudan nsent

Di radjagh n tbeqyin

Tirarent di remrah

izerman n tadjst

Adellis a n ict n tesmut n tinfas tiqudadin urant s tmazight, d ijj n tudart n imazighen icti imxumbar nsen amecnaw: asinef, atla3, amur, tamghart d txancet nni n tghuyyit nnes, aryaz d wemcumbed nnes ak ureqquz nni n weghrum, d cwayt n tibuherya tefsus ad yiri texs a tini ca texs ad tegg ca zi ca. Tasmut a tura t mayssa rachida EL MARRAKI tesmun it d adellis di 2003 tewc it i RCAM mahend at tessufegh at tefsar. RCAM arami d 2007 it id tesufegh bac anessen belli aqa negh di lmughrib am rebda.

tasmut a tecsi 13 n tenfas tiqudadin urant s tlatinit deg ijj n ughezdis s tifinagh deg ghezdis nneghni, tanfust tamezwarut: a mmi dwr d, Hddu iserman, tanfust 3ad ghars anggar, tamghra n idammn, diha d da, 3ad i nssn ira turja, abrid n tidt, taymmuht d rfqi,ca n tifray zg udlis, ander n yiman, icddan, ijj n usqar nndni, ixmrawn n tadjst. Imprimerie: EL Mäarif AL Jadida Rabat.

izerman n tadjst izerman n tmazight n tenfust n tidet issuren ag tsedmunt izerman n tayyut d tirawt n tadjst tacemratc/tabarcant izerman

TASRIT N WEZRU

L’écriture et le défi dans le roman « Tasrit N weẓru »

Abdel Mottaleb ZIZAOUI (chercheur –Oujda-)

Amazigh39@yahoo.fr

I marra timyura d imyura s Tmazight

« Ari a yedji. Ejj amaru-nnem ad yiri d anẓar i γa d-isxesyen anebdu enni yarγin deg wurawen n yiwdan. Ari s umeṭt

Arrirf d ij n teghmart zi tghemmar n wamur n Lmughrib id yusin x tma n wayel acemrar, taghmart a yrefdentmajut " refwah " n tlelli tmajut n idammen yumsen udem n ucar
nnes izi yellulli. Arrif d ij n tma s min tezvra d asinef "tapmic" oad aqqa t d min teddar d razagh ra di tfedjaht ra di twuri ra di tusna ra di tyumi.....a t g. S marra timsal a yedwer unoarq d ij n rattvan yetrur ed imeghghar deg waydud marra yedwer d iswi " padaf " n mkur ijjen d yicten itaca s yext nnes itenzemma itwahri di tmurt nnes itraja ad yawedv iswi ya ass a nigh tiwecca rxezvrat nnes
yesnum itent ad twarant mghar ufugh ama yenya ama yedvwa ama yefteh....atg. Ufugh d iswi n ufedjah d uselmad d unelmad d umessuyur d uxeddam d wenni yeghrin (tighuri nni idi temmut tiwecca) d wenni yaqubbani inighi "dahiyya" n waydud d tmazirt war yiwidved oad tyumi s marra ighezdisa nnes yiriwen iziraren, qao itxarras deg unoarq.

Wi yezmen taqessist inu ?

Tnexsis tessudum

Iseghri xaf i ussan

Amsagar inu yameggaru akid s tugha t di tefsut n 2002 rami d ayi tettvef zeg ufus tenna yi : ades d ghar i ad am oawdegh ad am inigh min war tessined, ksegh d tifray d umaru ad arigh, tenna yi : ari ari marra min d am gha d inigh d tidet maci d ixarriqen, u nettat war

Manis d raghan izewran

Id sfufyegh tagheddiwt

D tafrurt…

D takemict n wawaren

Itmunen d taqessist

D djigh d necc

Nezrufend yezran

Di tarya n wesriri

Hrurden d rebput

Zi tqecwin gha tisi

Tifray n tsedvwin

Tirarent di mezri

Tifras inu d car