ANOARQ N ARRIF

 Arrirf d ij n teghmart zi tghemmar n wamur n Lmughrib id yusin x tma n wayel acemrar, taghmart a yrefdentmajut " refwah " n tlelli tmajut n idammen yumsen udem n ucar
nnes izi yellulli. Arrif d ij n tma s min tezvra d asinef "tapmic" oad aqqa t d min teddar d razagh ra di tfedjaht ra di twuri ra di tusna ra di tyumi.....a t g. S marra timsal a yedwer unoarq d ij n rattvan yetrur ed imeghghar deg waydud marra yedwer d iswi " padaf " n mkur ijjen d yicten itaca s yext nnes itenzemma itwahri di tmurt nnes itraja ad yawedv iswi ya ass a nigh tiwecca rxezvrat nnes
yesnum itent ad twarant mghar ufugh ama yenya ama yedvwa ama yefteh....atg. Ufugh d iswi n ufedjah d uselmad d unelmad d umessuyur d uxeddam d wenni yeghrin (tighuri nni idi temmut tiwecca) d wenni yaqubbani inighi "dahiyya" n waydud d tmazirt war yiwidved oad tyumi s marra ighezdisa nnes yiriwen iziraren, qao itxarras deg unoarq.
Axmi gha nawedv a nessiwer x yebriden i yessvawadven amenneoruq ghar unoarq, maca mara d tarzugi d usinef d razagh i yetoanen amezdugh ad inoarq! ma axmi gha yawedv ad iffegh ad inoarq atizvidv tarzugi nni ad yaf marra min tugha yurezzu?? manaya oad mara yiwedv ad yeffegh ad izvwa, war yedwir d matca tizvidv i yserman nigh ad yewdva di texceft n wenni umi qqaren:( remrac acemrar) d yemxumbar i day s ujaren yenni yejja u netta deg wamur nnes idi war yufi ura d netta attvasv ura d drus zi min yexs d min yurezzu, amur a"watvan"war d as iwcin ca war t issiwdven ghar ca, amur a i yetwara oad itxessva t marra timsal timezwura n tudart amecnaw: Tfawt d waman d yebriden d tghuri d iruqaq n tusna d rirart ...Qqaren deg ij n imedya :
"Wi cek yendaren x tarzugi ? yenn as min yarezgen attvasv zzay s".
Mani yeddakwar uhudri "ccab"n arrif yeghrin ar ami yuher di tghuri yneq akudv d timmar n uweddar jar reqpawi d yezniqen nigh yeznuza ticemsin n dra d (pippa) d rhimez deg recwaghed n idellisen idi tugha yeqqar, wa d ij n uhudri attvasv d yinni yedvfaren ibriden nnedvni, d yinni yessesmadven tifeqqao di tziyyatit n waman n udvil d arpaj nni umi qqaren: Tabarcant d tcemratc idewren d timegga ghar marra wenni war yufin min gh ad yegg. S yebriden a ifarghen tmarnayen iyezzimen asendef, acarrig yarenni tigharsvi x tgharsvia. Ammu yeddakwar wefgan "insan" yweddar di tmurt nnesmebra tenni n midden ntaf it yesghuyyu x recwaghed di sebbanya d pulanda netta oad war ghar s recwaghed di tmurt nnes ura d tamaggit izi gha yetwassen ad yessen ixf nnes. Zeg ij n ughezdis nnedvni ntaf min ghar war yiwidv uhewwas deg issegwussa n uhewwes ad yegg deg irifeyyen zeg umsebdvi d unoarq n ukal d tmazirt tayemmat d tmejja nnes simmal ad tweddar ruxa iwdven ghar s, tmazirt nni ixef uzren idammen d ighezvran.Mammec anoarq a ytawedv ad yarez simmal igudar n tusna n tmazight zeg unoarq n ayet bab n tusna d ayet bab n cna "fan" d ayet bab n tsekla s qao udmawen nnes, mani nzvar tudrusen isemqar n imeghnasen iqqimen deg wamur, mammec tudrusen imaruten"aqlam" x isebtar n yeghmisen d tisghunin n tmazight, da yesxares ayi d ij n wawar yennat ij n usebbanyu di tesghart n irifeyyen
rami yenna:Neccin isebbunya netmun ntegdud "nahtafel" s tactut "dikra" n umenghi yameqran n anwal waxxa arnan anegh irifeyyen day s, maca yina id anegh yarnan deg imenghi ya toeddu xaf sen tactut a am yicten deg was yetwattu ghar sen..